Almaniya Danimarkaya 8 mlrd. dollarlıq tunelin inşa planını təsdiq edib

Almaniya hökuməti ölkəni Danimarka ilə birləşdirəcək və dəyəri 8 milyard dollardan çox olacaq tunelin tikinti layihəsini təsdiq edib. Avtosfer.az “Report”a istinadən xəbər verir ki, bu barədə cümə günü "Reuters" agentliyi məlumat yayıb. Dənizin dibi ilə Danimarka və Almaniyanı ayıran Ferman-Belt boğazından keçəcək tunel 19 km. uzunluğunda olacaq. Onun Almaniyanın Femarn adası il Danimarkanın Lollan adası arasında çəkilməsi nəzərdə tutulur. Tikintiyə icazəni Almaniyanın Şlezviq-Qolşteyn federal torpağının Nəqliyyat Nazirliyi verib. Danimarka hökuməti layihəni 2015-ci ildə təsdiq edib.

Tunelin daxili ilə hər iki istiqamətdə hərəkət üçün dördzolaqlı avtomol yolu və dəmiryolu xətti keçəcək. Plana görə tikinti işləri 2024-cü ildə başa çatmalıdır.