"Arzulayıram ki, amnistiya jurnalistlərə də şamil olunsun" - Deputat

"Amnistiya ilə bağlı nə qədər insan sevinəcək. Bu, çox mühüm bir aktdır və insanların Yeni il qabağı sevincidir".

Avtosfer.az xəbər verir ki, bunu Milli Məclisin bu gün keçirilən plenar iclasında deputat Aqil Abbas deyib. 

İlham Əliyevdən amnistiya təşəbbüsü - 20 mindən çox şəxs cəzadan azad ediləcək

“Arzulayıram ki, bu, jurnalistlərə də şamil olunsun. Düzdür, günahları var, cinayətləri var. Amma müəyyən bir cinayətləri bağışlamaq olar. Bir daha həbsdən çıxacaq dustaqları təbrik edirəm. Bir də ora qayıtmasınlar və cinayət törətməsinlər", - deyə deputat bildirib.