Atasını tanışları ilə birgə öldürən şəxsin şikayəti əsasında məhkəmə başlayıb

Bakı Apellyasiya Məhkəməsində atasını öldürməkdə təqsirləndirilən Elməddin Əliyev və onun tanışları - Vəlican Dadaşovla Nəcməddin İsmayılovun barəsində olan hökmdən apellyasiya şikayəti üzrə məhkəmə iclası başlayıb. Avtosfer.az-ın "Report"a istinadən xəbərinə görə, hakim Vaqif Mursaqulovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib. Məhkəmənin növbəti iclası noyabrın 15-nə təyin edilib. Qeyd edək ki, hadisə ötən il fevralın 1-nə keçən gecə Xəzər rayonu Zirə qəsəbəsinin bağlar sahəsində baş verib. Pirallahı qəsəbə sakini Azər Əliyevə məxsus bağ evində yanğın baş verib, nəticədə yanar konstruksiyalar yanıb. Bakı Ağır Cinayətlər Məhkəməsinin hökmü ilə V.Dadaşov 19 il, E.Əliyev 18 il, N.İsmayılov isə 17 il müddətinə azadlıqdan məhrum edilib.