Aviabazaya PUA-larla hücum cəhdi oldu

İyunun 30-da gecə saatlarında Rusiyanın Suriyadakı Hmeymim hərbi hava bazasına kiçik həcmli pilotsuz uçuş  aparatları (PUA) ilə hücum olub. Avtosfer.az APA-ya istinadən bildirir ki, bu barədə "RİA Novosti" agentliyi hərbi bazanın nümayəndəsinə istinadən məlumat yayıb. Gecə saatlarında hərbi bazadakı aerodromdan şimal-şərq istiqamətdə mənşəyi məlum olmayan PUA-lardan ibarət qrup aşkar olunub və onların hamısı məhv edilib. Hücum cəhdi zamanı aviabazaya hər hansı ziyan dəyməyib.