Avropa şirkətləri təyyarələrə yeni müştəri axtarırlar

Təyyarə istehsalı ilə məşğul olan İtaliyanın "Leonardo" və Fransanın "Airbus" şirkətləri İranın sifariş etdiyi, lakin sanksiyalar ucbatından ala bilməyəcəyi təyyarələr üçün yeni müştəri axtarırlar. Avtosfer.az "Report"a istinadən xəbər verir ki, bu barədə "Leonardo"nun baş direktoru Alessandro Profimo bildirib. Onun sözlərinə görə, fransızlarla birgə istehsal olunan ATR 72-600 markalı 18 təyarənin çatdırılması ilə bağlı müqavilə 2016-cı ildə imzalanıb. Müqavilənin dəyəri 1 mlrd. ABŞ dolları olub. İran 18 təyyarədən 12-ni artıq əldə edib, qalan 6 təyyarə üçün isə yeni müştərilər lazımdır.  Baş direktor ilin sonuna qədər təyyarələrin satılacağına əminliyini ifadə edib.