Avropanın ən böyük gəmiqayırma zavodu kruiz şirkətinə 4 ekstralüks sərnişin gəmisi inşa edəcək

İtaliyanın “Fincantieri” gəmiqayırma zavodu 45 ölkədə 16500 əməkdaşı olan və dünyanın ən böyük sərnişin daşıyan kruiz şirkətləri arasında dördüncü olan “MSC Crociere” ilə müqavilə imzalayıb. Avtosfer.az Azərtac-a istinadən xəbər verir ki, dəyəri 2 milyard avrodan çox olan sazişə əsasən gəmiqayırma zavodu daha 4 ekstralüks sərnişin gəmisi inşa edəcək. Zavod yeni və qeyri-ənənəvi formaya məxsus olan gəmilərin təhvili prosesinə 2023-cü ilin yazında başlayacaq və bir il ərzində inşa etdiyi gəmiləri təhvil verəcək. Avropanın ən böyük gəmiqayırma zavodu olan “Fincantieri”nin mənzil-qərargahı İtaliyanın Triest şəhərində yerləşir.