Avstraliyada akulanın hücum etdiyi şəxs öldü

Avstraliyanın şimal-şərqindəki Kvinslend ştatında şəxs akula hücumundan sonra həyatını itirib. Avtosfer.az-ın Trend-ə istinadən məlumatına görə, 33 yaşlı şəxs qayıqda istirahət edərkən akulanın hücumuna məruz qalıb. Çoxsaylı yaralarla xəstəxanaya çatdırıldıqdan sonra o, qanitirmə nəticəsində vəfat edib. Qeyd olunur ki, bu, sentyabr ayından bugünədək həmin bölgədə qeydə alınmış 3-cü akula hücumudur.