Avtobus izdihama çırpıldı: 1 ölü, 3 yaralı

Niderlandda avtobus sürücüsü idarə etdiyi maşını kütlənin üzərinə sürüb. Oxu.az “Reuters”ə istinadən xəbər verir ki, bu haqda yerli polis idarəsi məlumat yayıb. Məlumata görə, Limburq əyalətində avtobusun piyada yoluna çıxması nəticəsində bir nəfər ölüb, üç nəfər yaralanıb. İnsident “PinkPop” rok festivalının keçirildiyi məkanda baş verib. Cinayətkar hadisəni törətdikdən sonra ərazidən qaçıb. Hazırda onun axtarışları həyata keçirilir. İnsidentin terrorla əlaqəli olub olmadığı hələ ki bildirilmir.