Avtobusların Bakı-Sumqayıt yoluna çıxışı 1 kilometr qısaldı: AYNA-dan yeni həll - VİDEO

“Avtovağzal” metro stansiyası yaxınlığında avtobusların hərəkətini sürətləndirmək və Bakı-Sumqayıt yoluna daha rahat çıxışını təmin etmək məqsədilə yeni avtobus zolağı təşkil olunub.

Avtosfer.az xəbər verir ki, Azərbaycan Yerüstü Nəqliyyat Agentliyi (AYNA) tərəfindən tətbiq olunan yeni həll nəticəsində avtobusların hərəkət trayektoriyası əhəmiyyətli dərəcədə qısaldılıb.

Belə ki, əvvəllər avtobuslar təxminən 1,1 kilometr uzunluğunda trayektoriya ilə hərəkət edirdisə, yeni zolağın təşkili ilə bu məsafə 100 metrə endirilib.

Nəticədə avtobusların hərəkət sürətinin artırılması və yolda yaranan vaxt itkisinin azaldılması nəzərdə tutulur.

Qeyd edək ki, “Avtovağzal” metro stansiyasına girişin ödənişsiz olması ilə əlaqədar sərnişinlərin rahatlığının təmin edilməsi məqsədilə həmin əraziyə 16 müxtəlif avtobus marşrutu yönləndirilib. Bunlar 500, 503, 508, 119, 135, 142, 525A, 525B, 114A, 5, 159, 170 və 83A nömrəli marşrutlardır.

Eltac