Avtomobil partladıldı: 2 nəfər ölüb, 13 nəfər yaralanıb

Suriyanın şimal-qərbində yerləşən İdlib əyalətinin mərkəzində bomba yüklənmiş avtomobilin partladılması nəticəsində bir qadın və bir uşaq ölüb, 13 nəfər yaralanıb. Avtosfer.az “Report”a istinadən xəbər verir ki, bu məlumatı mülki müdafiə təşkilatı yayıb. Mülki müdafiə qüvvələri əməkdaşları yaralıları xəstəxanalara yerləşdirib. Partlayış nəticəsində bəzi evlərin pəncərələrinin şüşələri dağılıb, ətrafdakı avtomobillərə ziyan dəyib. Bu bölgədə təhlükəsizliyi Rusiya, İran və Türkiyə təmin etməyi vəd emişdi. Ancaq son zamanlar Rusiyanın əraziyə daha çox müdaxilə etdiyi bildirilir. Hətta, Rusiya bu bölgəni Bəşşar Əsəd rejiminin nəzarəti altına belə vermək niyyətindədir.