Avtomobil qaçıran 3 yeniyetmə saxlanıldı - Zərdabda

Zərdabda avtomobil qaçırmış şəxslər tutulub. Avtosfer.az Daxili İşlər Nazirliyinin mətbuat xidmətinə istinadən xəbər verir ki, noyabrın 29-da Zərdab şəhəri ərazisindən Çallı kənd sakini Ərzuman Aləşrəfova məxsus “Mercedes” markalı avtomobil qaçırılıb. Zərdab RPŞ əməkdaşlarının keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən şəhər sakinləri olan 3 yeniyetmə avtomobillə birgə saxlanılıblar. Araşdırma aparılır.