Avtomobil qəzasında xəsarət alanların kimliyi məlum olub

Göygöl rayonunda avtomobilin işıq dirəyinə çırpılması nəticəsində xəsarət alanların adları məlum olub. "Report"un Qərb bürosunun məlumatına görə, hadisə Göygöl şəhərində baş verib. İdarəetmədən çıxaraq yol kənarındakı işıq dirəyinə çırpılıb. Nəticədə minik avtomobilində olan Gəncə şəhər sakinləri: - 1983-cü il təvəllüdlü Səmədov Ramix Raqub oğlu və onun həmyerlisi, 1986-cı il təvəllüdlü Rəhimov Bəxtiyar İsmayıl oğlu müxtəlif dərəcəli bədən xəsarətləri alıblar. Yaralılar öncə Göygöl rayon Mərkəzi Xəstəxanasına, daha sonra isə Gəncə şəhər Abbas Səhhət adına 1 saylı Xəstəxanaya aparılıblar. Hər iki yaralının vəziyyətinin orta-ağır olduğu bildirilir. Faktla bağlı araşdırma aparılır.