Avtomobil texnikalarına baxış-müsabiqə keçirilib - FOTO

Naxçıvan Qarnizonu qoşunlarında istismarda olan avtomobil texnikalarına baxış-müsabiqə keçirilib. Avtosfer.az-ın Azərtac-a istinadən xəbər verir ki, müsabiqəyə ordu, birləşmə və hissələrə təhkim edilmiş müxtəlif markalı və təyinatlı minik avtomobilləri, mikroavtobus və avtobuslar cəlb edilib. Qeyd edək ki, Əlahiddə Ümumqoşun Ordunun döyüş qabiliyyətinin artırılması istiqamətində ardıcıl tədbirlər görülür. Muxtar respublika ərazisindəki hərbi hissələrin maddi-texniki təminatı möhkəmləndirilir, yaşayış kompleksləri tikilir, zabit ailələrinin mənzil-məişət şəraiti yaxşılaşdırılır, şəxsi heyətin döyüş və mənəvi hazırlığı əhəmiyyətli dərəcədə artırılır.