Avtomobildə gizlədilmiş pnevmatik tapança və telefonlar aşkar edildi - VİDEO

Daxil olan əməliyyat məlumatı əsasında Gürcüstandan Azərbaycana gələn ölkə vətəndaşının idarə etdiyi “Mercedes-Benz 280” markalı nəqliyyat vasitəsi “Sınıq Körpü” gömrük postunda saxlanılıb və gömrük baxışı keçirilib.  Bu barədə Avtosfer.az-a Dövlət Gömrük Komitəsindən (DGK) məlumat verilib. Baxışdan öncə, sürücü üzərində və idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirib. Yoxlama zamanı isə nəqliyyat vasitəsinin yük yerində olan ərzaq məhsullarının arxasında gizlədilən 13 ədəd, kalibri 4,5 mm və üzərində “Super air pistol” yazısı olan pnevmatik tapança, kalibri 4, 5 mm olan üzərində “Ekol” yazılmış 1 ədəd pnevmatik tapança, 4 ədəd pnevmatik silah üçün lülə, ərzaq məhsullarının arasından 1 ədəd “Samsung Galaxy A6”, 1 ədəd “Samsung Galaxy J6”, 3 ədəd “Samsung Galaxy J3”, 7 ədəd “Samsung Galaxy J1”, 1 ədəd “Xiomi A1”, üzərinə “B 8000” yazılmış 7 ədəd, “Corn” yazılmış 3 ədəd, “H-mobile” yazılmış 5 ədəd, “Etec” yazılmış 5 ədəd, “Kctel” yazılmış 15 ədəd, “ Boom” yazılmış 10 ədəd, “ZHT” yazılmış 5 ədəd, “Y-Fine” yazılmış 5 ədəd, “Fuha” yazılmış 5 ədəd mobil telefonlar aşkar edilib. Faktla bağlı araşdırma aparılır.

Namiq