Avtomobildən 22 600 manat oğurlandı - Bakıda

Bakıda bahalı avtomobildən külli miqdarda pul oğurlanıb. Avtosfer.az-ın Trend-ə istinadən məlumatına görə, hadisə paytaxtın Yasamal rayonu, Qırmızı Şərq küçəsində baş verib. Yasamal rayon sakini, 1959-cu il təvəllüdlü Orucov Elton Zəlimxan oğluna məxsus "Mercedes" markalı "BA66 KU" Gürcüstan dövlət nömrə nişanlı avtomobil evinin qarşısında qarət olunub. Naməlum şəxslər avtomobilin şüşəsini sındıraraq avtomobilin içərisində olan 22 min 600 manatı oğurlayıblar. Faktla bağlı Yasamal rayon Polis İdarəsinin 27-ci polis bölməsində araşdırma aparılır.