Avtomobillə vurulan təmizlik işçisi öldü

Bakıda naməlum avtomobilin vurduğu təmizlik işləri aparan qadın dünyasını dəyişib. Avtosfer.az xəbər verir ki, 3 saylı şəhər Klinik Xəstəxanasından Trend-ə verilən məlumata görə, Muradova Almaxanım Pirağa qızı dekabrın 6-da əməliyyat zamanı dünyasını dəyişib: "Xəstənin vəziyyəti olduqca ağır idi. Xəstə əməliyyata götürüldü və əməliyyat zamanı dünyasını dəyişdi". Xatırladaq ki, dekabrın 6-da səhər saat 07 radələrində paytaxtın Nərimanov rayonu, Heydər Əliyev prospektində "Bağırov" körpüsünün yaxınlığında ərazidə təmizlik işləri aparan qadın, 1965-ci il təvəllüdlü Muradova Almaxanım Pirağa qızı naməlum avtomobil tərəfindən vurulub. Hadisə nəticəsində ağır xəsarət alan A.Muradova 3 saylı şəhər kliniki xəstəxanasına yerləşdirilib.