Avtomobillərə quraşdırılmış partlayıcılar partladıldı: 3 ölü, 12 yaralı

Bazar günü İraqın paytaxtı Bağdadın müxtəlif rayonlarında baş vermiş beş partlayış nəticəsində azı 3 nəfər ölüb, daha 12 nəfər isə yaralanıb. Avtosfer.az "Report"a  istinadən xəbər verir ki, bu barədə "Al-Sumaria" telekanalı məlumat yayıb. "Bu gün axşam (bazar günü) Bağdadın Səba Əkbər rayonunda "Toyota Coaster" markalı mikroavtobusa qoyulmuş partlayıcı qurğunun işə düşməsi nəticəsində beş nəfər yaralanıb", - deyə telekanal paytaxtın güc strukturlarındakı mənbəyə istinadən məlumat yayıb. Bildirilir ki, bundan əlavə paytaxtın cənubunda yerləşən Əbu Daşir rayonunda mağaza yaxınlığında partlayıcı qurğunun işə düşməsi nəticəsində 2 nəfər ölüb, bir neçə nəfər yaralanıb. Həmçinin Bağdadın şimalındakı Əş-Şualya rayonunda yük maşını partladılıb. Burada 2 nəfər xəsarət alıb. Daha 4 nəfər Ər-Rəşid rayonunda yük maşınına qoyulan partlayıcı qurğunun işə düşməsi zamanı müxtəlif dərəcəli xəsarətlər alıb. Eyni zamanda paytaxtın şimalındakı Malik əl-Əştər meydanında törədilən partlayış nəticəsində 1 nəfər ölüb, eyni sayda insan yaralanıb.