Azərbaycana və əks istiqamətdə uçuşların qiyməti ucuzlaşdırıldı

"Etihad Airways" aviaşirkəti Azərbaycan, Bəhreyn, Misir, Livan, İordaniya, Səudiyyə Ərəbistanı, Oman, Küveyt, eləcə də bu ölkələrdən olan uçuşlara qiymətləri azaldır. Avtosfer.az-ın Trend-ə istinadən məlumatına görə, şirkətin yeni qiymət siyasəti əlavə baqajsız uçanlara şamil ediləcək. Belə ki, sərnişinlər özləri ilə 7 kiloqram çəkidə əl baqajı götürə bilərlər, əlavə baqaj üçün isə ödəniş edilməlidir. Bildirilir ki, "Etihad Airways" siyasətini ötənilki zərər fonunda dəyişir. Qeyd edək ki, 2017-ci ildə şirkətin zərəri 1,52 milyard dollar təşkil edib.