Azərbaycana yeni istiqamətlər üzrə uçuşlar edəcək

Rusiyanın “Uralskie avialinii” şirkəti Azərbaycana yeni istiqamətlər üzrə uçuşlar həyata keçirəcək. Avtosfer.az-ın Trend-ə istinadən məlumatına görə, bu barədə Rusiya Hava Nəqliyyatı Federal Agentliyi bildirib. Şirkət Volqoqrad-Gəncə və Volqoqrad-Bakı reysləri üçün lisenziya əldə edib. Lisenziya həmin marşrutlar üzrə həftənin yeddi günü uçuş həyata keçirməyə icazə verir. Qeyd edək ki, hazırda “Uralskie avialinii” Sankt-Peterburq-Bakı və Moskva-Lənkəran reyslərini həyata keçirir.