Azərbaycanda cəmi 3 qadının bacardığı o riskli peşə açıqlandı

Azərbaycanda aviasiya sahəsində çalışan qadınların sayı ilə bağlı maraqlı statistika məlum olub. Ölkədə bəzi peşələrdə qadınlar üstünlük təşkil etsə də, elə sahələr var ki, orada demək olar ki, yalnız kişilər çalışır. Avtosfer.az xəbər verir ki, rəsmi rəqəmlərə görə, ötən il ölkədə pilotların 99 faizini, yəni 377 nəfərini kişilər təşkil edib. Bu çətin və məsuliyyətli peşəni yerinə yetirən qadınların sayı isə cəmi 3 nəfər olub. Təyyarə bələdçiliyi peşəsində isə tam fərqli mənzərə yaranıb. Belə ki, ötən il bələdçilərin 64 faizi qadınlar, 36 faizi isə kişilər olub.