Azərbaycanda yanğınlarda 62 nəfər ölüb

Cari il 9 ayı ərzində yanğın hadisələrində 62 nəfər həyatını itirib. Avtosfer.az Fövqaladə Hallar Nazirliyinə istinadən xəbər verir ki, bu il 13398 yanğın hadisəsi qeydə alınıb. Yanğınların 1757-i çoxmənzilli yaşayış binalarında və fərdi evlərdə, 9168-i açıq sahələrdə, 9-u meşə və meşə talalarında, 251-i nəqliyyat vasitələrində, 2213-ü isə digər müxtəlif hadisələr nəticəsində baş verib. Yanğın hadisələri zamanı 62 nəfər həlak olmuş, 127 nəfər xəsarət alıb. Bu da ötən ilin müvafiq dövrü ilə müqayisədə yanğından həlak olanlar üzrə 23 nəfər və ya 59% çoxdur, xəsarət alanlar üzrə 38 nəfər və ya 23% azdır. Nazirliyin xilasediciləri tərəfindən 61 nəfər xilas edilmiş, 1179 nəfər təxliyə olunmuşdur.