Azərbaycanla bağladığımız müharibənin qapılarını açmağa çalışırlar - Paşinyan

Köçəryanın, Karapetyanın və Tsarukyanın rəhbərlik etdiyi qüvvələrin Ermənistanla Azərbaycan arasında sülh müqaviləsinin yenidən nəzərdən keçirilməsi siyasətini yürütdüyü açıq şəkildə bildirilib. 

Avtosfer.az "Unikal"a istinadən xəbər verir ki, bu barədə Ermənistanın baş naziri Nikol Paşinyan "Facebook" səhifəsində canlı yayımda açıqlayıb. 

Paşinyan qeyd edib ki, bununla onlar müharibəyə qapı açmaq yolu ilə gedirlər: "Bu günlərdə bu qüvvələr Ermənistanla Azərbaycan arasında sülh müqaviləsini yenidən müzakirə etmək və onu zorla tətbiq etməkdən danışırlar. Bu, açıq və birmənalı şəkildə təkcə müharibəyə qapı açmaq deyil, həm də onu qaçılmaz etmək deməkdir.

Ən nikbin proqnozla getsək belə, sülh müqaviləsinin yenidən açılması danışıqlar prosesi nəticəsində nəhayət müəyyən etdiyimiz bütün məzmunu dəyişdirmək üçün fürsət yaratmaq deməkdir. Nəzəri səviyyədə bu məzmunun daha yaxşı ola biləcəyini düşünə bilərik, eyni zamanda nəzəri səviyyədə bu məzmunun daha da pisləşə biləcəyini də nəzərə ala bilərik. Lakin bu məzmunun tamamilə çökməsi ehtimalı daha yüksəkdir. Bu məzmunun yaxşılaşması üçün bir ehtimal, pisləşməsi üçün isə iki ehtimal var. Hər iki halda inkişaf məntiqi müharibəyə gətirib çıxarır. Bunu çox aydın şəkildə bildirməliyik".

Baş nazir vurğulayıb ki, qurulmuş sülhü kənara qoymaq müharibə meydanını açmaq deməkdir: "Xüsusilə də Köçəryanın, Karapetyanın və Tsarukyanın rəhbərlik etdiyi siyasi qüvvələrin demək olar ki, hər gün bu mövqeləri səsləndirdiyi, qəbul etdiyi və hərəkət etdiyi kontekstdə. Məhz buna görə də bu yol ayrıcına tarixi yol ayrıcıdır deyirik.

Ermənistan və Azərbaycan arasında sülh bərqərar olub, biz bu sülhü bərqərar etmişik, bu da müharibənin qapısını möhkəm bağladığımız deməkdir. İndi qeyd etdiyim qüvvələr həmin qapını açmağa çalışırlar. Bu, şübhəsiz ki, Ermənistan Respublikasının təhlükəsizliyi üçün ölümcül təhdiddir.

Bu söhbətin yalnız sülhməramlıların bölgəmizə və ölkəmizə gətirilməsi üçün qapı açdığı mənim üçün və istənilən qərəzsiz müşahidəçi üçün aydındır. Sülhməramlıların fəaliyyətinin gözümüzün qabağında hansı nəticələrə gətirib çıxardığını hamımız görmüşük".