Azərbaycanlı erməni qonşusunun evini yandırdı

Ukraynanın paytaxtı Kiyev şəhərində Azərbaycan vətəndaşı, Sumqayıt şəhər sakini, 1977-ci il təvəllüdlü Rzayev Kənan Əfqan oğlu yaşadığı Qoloseevski rayonunda erməni mənşəli qonşusunun təhqirlərinə dözməyib, hücum edərək onun evini yandırıb. Avtosfer.az “Report”a istinadən xəbər verir ki, rayon polisi tərəfindən saxlanılan K.Rzayevin hadisənin törətməsinin səbəb kimi qonşusu ilə aralarında yaranan mübahisədə onun qarşı tərəfdən milli zəmində təhqirlərə məruz qalması olduğu bildirilir. Təhqirlərə dözməyən azərbaycanlı erməniyə hücum edərək iki otaqlı evinə od vurub, hadisə nəticəsində ev tamamilə yanıb. Hadisə nəticəsində insan tələfatı olmayıb.