Azərbaycanlı polis bölməsindən tualetin pəncərəsindən qaçdı

Rusiyanın Ulyanovsk bölgəsində yetim yeniyetməni soyan, daha sonra polis bölməsindən qaçan azərbaycanlıya hökm oxunub.  Avtosfer.az oxu.az-a istinadən xəbər verir ki, ötən ilin oktyabrında əvvəllər məhkum olunmuş şəxs Novosondetsk bulvarında gəncdən hədə-qorxu yolu ilə 130 min rubl (2 min dollar - red.) pul götürüb.  Azərbaycanlı yaxalandıqdan sonra polis bölməsinə gətirilib. O, bölmənin tualetinin pəncərəsindən çıxaraq, qaçıb və gizlənib. Onu təkrar olaraq, bu ilin yanvarında yaxalayıblar. Məhkəmənin qərarı ilə o, dörd il müddətinə azadlıqdan məhrum edilib.