Bağlanan universitetin tələbələri ilə bağlı RƏSMİ AÇIQLAMA

Bakı Qızlar Universitetində (BQU) təhsil alan tələbələrin digər ali təhsil müəssisələrinə köçürülməsi ilə bağlı məsələlər hazırda nəzərdən keçirilir.

Avtosfer.az xəbər verir ki, bu barədə Modern.az-ın sorğusuna cavab olaraq Elm və Təhsil Nazirliyindən məlumat verilib. 

“Bakı Qızlar Universitetində təhsil alan tələbələrin köçürülməsi ilə bağlı aidiyyəti məsələlər hazırda nəzərdən keçirilir. Müvafiq qərarlar qəbul edildikdən sonra bu barədə ictimaiyyətə məlumat veriləcək”, - deyə rəsmi məlumatda vurğulanıb. 

Xatırladaq ki, Bakı Qızlar Universitetinin institusional və proqram akkreditasiyası üzrə yekun nəticəsi “uyğun deyil” qiymətləndirildikdən sonra ali məktəbin təhsil fəaliyyəti dayandırılıb.

Belə ki, hazırda universitetdə təhsil alan 1568 tələbənin qəbul balı, ixtisası, təhsil səviyyəsi və forması, tədris ili və dili, həmçinin dövlət sifarişi və ya ödənişli əsaslarla təhsil alması nəzərə alınmaqla Bakıda yerləşən digər özəl ali təhsil müəssisələrinə köçürülməsi nəzərdə tutulur.