Bakı küçələrində yaşananlar: Əhalinin narahatlığı nədəndir?

"Elektrikli avtobuslar ölkə rəhbərliyinin tapşırığı ilə Bakıya gətirilib. Bəzi hallarda həmin avtobusları idarə edən sürücülərin müəyyən səhvləri ucbatından neqativ informasiyalar yayılır: "isitmə sistemini qoşa bilmirlər", "texniki nasazlıqdan yolda qalır" və s. Əslində, bu texniki nasazlıq deyilir, sadəcə olaraq sürücülər bəzən texnika ilə dil tapa bilmirlər"

Bu sözləri nəqliyyat eksperti Elməddin Muradlı bildirib.

Ekspertin sözlərinə görə, bu avtobuslar müasir nəqliyyat vasitələrdir və bəzi yalnışlıqlar ola bilər. Ancaq bu o demək deyil ki, avtobusları təkcə tənqid etmək lazımdır:

"Zamanla, getdikcə bütün problemlər öz həllini tapacaq. Avtobus sürücüləri müəyyən təlimlərdən keçərək işə buraxılırlar. Onların da hardasa müəyyən səhvləri olur, ancaq biz istəyərdik ki, bu səhvlər olmasın. Çünki, bu cəmiyyətdə diskomfort, inamsızlıq yaradır və insanlar bəzən hesab edir ki, bu avtobuslar çox ciddi problemlərə gətirib çıxardacaq. Ancaq heç bir problem yaranmayacaq. Bu avtobusların sayı artırılaraq komfortlu nəqliyyat növü kimi ictimaiyyətin istifadəsinə veriləcək". 

(news24.az)