Bakı meriasında texniki avadanlıq və kompüterlər yoxa çıxdı - Eldar Əzizov göstəriş verdi

Bakı Şəhər İcra hakimiyyətində xeyli sayda texniki avadanlıq və kompüterlər yoxa çıxıb. Avtosfer.az-ın unikal.org-a istinadən məlumata görə, Bakı Şəhər İcra Hakimiyyətində invertarlaşma işləri aparılır. Buna səbəb meriadakı iş otaqlarında xeyli miqdarda texniki avadanlıq və kompüterlərin çatışmazlığıdır. Bu da Bakı Şəhər İcra Hakimiyyətinə rəhbərlik edən Eldar Əzizovu çox təəccübləndirib. Onun göstərişi ilə icra hakimiyyətinin bütün strukturlarında yoxlamalar aparılır. Bu işdə prinsipial mövqe tutan Eldar Əzizov aparılan yoxlamaların sonunda ciddi ölçülərin götürülməsini nəzərdə tutur. Bakı Şəhər İcra Hakimiyyətindən Unikal.org-a meriada inventarlaşma işlərinin aparıldığını təsdiqləyiblər.