“Bakı Metropoliteni" işini bərpa etdi

Ötən gün axşam saatlarından fəaliyyətini dayandıran "Bakı Metropoliteni" işini bərpa edib. Avtosfer.az-ın Trend-ə istinadən məlumatına görə, artıq bu gün saat 13:00-dan başlayaraq sərnişinlər metrodan istifadə edə biliblər.

Qeyd edək ki, dünən elektrik enerjisinin kəsilməsi nəticəsində "Bakı Metropoliteni" QSC-nin işində problem yaranmışdı. Bununla əlaqədar metrodakı bütün sərnişinlər təxliyə edilmişdi. Bu gün səhər "Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirmişdi ki, elektrik enerjisi tam təmin edilənə qədər metro sinaq rejimində çalışacaq.