Bakı metrosunda dava – YENİLƏNİB

“Hadisə zamanı mübahisə edən sərnişinlər bir-birindən şikayətçi olmayıb”. Avtosfer.az xəbər verir ki, bunu oxu.az-a “Bakı Metropoliteni” QSC-nin rəhbəri Bəxtiyar Məmmədov Bakı metrosunun “Gənclik” stansiyasında baş verən hadisə ilə bağlı bildirib. “Hadisə zamanı ictimai asayiş pozulmayıb. Polis sərnişinlərlə söhbət aparıb, onlar bir-birinə qarşı barışdırıcı mövqe tutduqları üçün məsələ yerindəcə aydınlaşdırılıb. Onlar barışdırılaraq yola salınıb”, - deyə o vurğulayıb.

18.53

Bakı metrosunun “Gənclik” stansiyasında dava düşüb. Hadisə saat 18:37-də baş verib. Bir neçə nəfər naməlum səbəblərdən dava edib və stansiyada sıxlıq yaşanıb. “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov faktı saytımıza təsdiqləyib.  Onun sözlərinə görə, qatara minən və düşən sərnişinlər arasında mübahisə düşüb: “İki sərnişin mübahisə edib. İnsident böyüdüyü üçün metropoliten işçiləri və polis əməkdaşları vəziyyətə müdaxilə edib. Sərnişinlər hazırda ifadə verir. Daha ətraflı məlumat veriləcək”.