Bakı metrosunda "intihara cəhdin" səbəbi bilindi

Bu gün “Bakı Metropoliteni” QSC-nin “Gənclik” stansiyasında sərnişinin intihara cəhd etdiyi xəbəri yayılıb. Avtosfer.az xəbər verir ki, metropolitenin mətbuat xidmətinin rəhbəri Nəsimi Paşayev həmin gəncin, əslində, intihara cəhd etmədiyini deyib.

“Paylaşdığım bu xəbərdə adıçəkilən Elvin Zülfüqarov, əslində, özünü relslərin üstünə atmadığını, xəstəlik səbəbindən başının fırlandığını və yıxıldığını bildirib.

Polisə izahatında da eyni ifadələrə yer verib. Adıçəkilən şəxs müraciət edərək xəbərin yanlış olduğunu və ailəsində, tanışlarında narahatlıq yaratdığını bildirib. Mən də bu xəbəri paylaşan dostlardan xahiş edirəm ki, xəbərə düzəliş etsinlər. Günahı da yazın mənim ayağıma, üzrlü sayın”, – deyə açıqlama verib.

Avtosfer.az