Bakı metrosundakı hadisəyə rəsmi münasibət

"Bakı Metropoliteni" QSC qızlarla oğlan arasında baş verən davaya münasibət bildirib. Avtosfer.az xəbər verir ki, QSC-nin mətbuat xidmətinin rəhbəri Bəxtiyar Məmmədov unikal.org-a bildirib ki, hadisənin nə vaxt baş verdeyiyi dəqiqləşdirilir: "Sözügedən görüntülər KİV-lərdə yayımlandıqdan sonra polis hadisənin baş vermə gününü və olayda iştirak edən şəxslərin axtarışına başlayıb". B.Məmmədov hadisə ilə bağlı metro işçiləri və polisin məsələyə qarışmasına da münasibət bildirib: "Xəbərdə qeyd edilir ki, "28 may" stansiyasına çatanda metro işçiləri və polis məsələyə qarışıb. Qızları və həmin oğlanı qatardan çıxarıblar. Stansiya rəhbəri və metro polisi ilə əlaqə saxladım. Belə bir hadisə nə stansiya, nə də polis əməkdaşları tərəfindən qeydə alınıb.