Bakı-Rostov yolunda qətl - Video

Bakı-Rostov yolunda dəhşətli qətl törədilib. Avtosfer.az Rusiya mediasına istinadən xəbər verir ki, 25 yaşlı gənc sevgilisini daşla başına çırpa-çırpa öldürüb.

Məlumata görə, hadisə avtomobil yolunun Xasavyurt şəhərindən keçən hissəsində baş verib. Taksidən düşən gənc və sevgilisi əvvəl mübahisə ediblər. Sonra isə gənc qadını yerə yıxan sevgilisi onu təpikləməyə başlayıb. Bununla da ürəyi soyumayan gənc oğlan yolun kənarından tapdığı iri daş parçalarıyla sevgilisinin başına vurmağa başlayıb. Bir neçə zərbədən sonra qadın keçinib.

Dağıstan İstintaq Komitəsinin məsul işçisi Rəsul Temirbekovun bildirdiyinə görə, artıq qatil tutulub. Onun barəsində “qəsdən adam öldürmə” maddəsiylə cinayət işi açılıb.