Bakı-Sumqayıt qatarının hərəkətində problem yaranıb

Bakı-Sumqayıt sürət qatarının hərəkətində problem yaranıb. Avtosfer.az-ın azvision.az-a istinadən məlumatına görə, saat 18:30-da yola çıxmalı olan qatar texniki səbəbdən hərəkət etməyib. Nəticədə sərnişinlər bir müddət qatarda qalıblar. “Azərbaycan Dəmir Yolları” QSC-nin mətbuat xidmətinin rəhbəri Sevinc Qədimova sistemdə problemin olduğunu bildirib: “Həmin saatda iki qatar yola çıxır. Sistemdə problem olduğu üçün qatarlar bir-birinin hərəkətini görə bilməyib. Nəticədə yubanma olub. Problem aradan qaldırılıb. Qatar artıq xəttə buraxılıb, yoldadır”.