Bakıda bu yollarda hərəkət tamamilə dayanıb - Fotolar

Hazırda paytaxtın bir çox küçələrində tıxac yaranıb.

“Qafqazinfo”nun verdiyi xəbərə görə, səhər saatlarından Bakının “Şamaxinka”, 1, 4 və 9-cu mikrorayon ərazilərində böyük tıxac var.

Sıxlıq əsasən Moskva prospekti, Asif Məhərrəmov, 20 Yanvar, Mir Cəlal küçələrindədir. Bu yollarda hərəkət tamamilə dayanıb, ictimai nəqliyyat vasitələri və şəxsi minik avtomobilləri hərəkətsiz vəziyyətdə tıxacda qalıb.

***

BNA-dan “Qafqazinfo”ya bildirilib ki, hazırda sözügüdən ərazilərdə hər hansı bir hadisə baş verməyib. Tıxacın olmasına səbəb Mir Cəlal Paşayev küçəsində təmir işinin aparılmasıdır.