Bakıda ər arvadını oğlunun gözü qarşısında öldürdü

Qubanın Ərməkiqışlaq kənd sakini Fazil Hüseynov həyat yoldaşı Xoşqədəm Hüseynovanı Bakıda kirayə qaldıqları mənzildə qətlə yetirib. Avtosfer.az-ın “qafqazinfo”ya istinadən məlumatına görə, F.Hüseynov həyat yoldaşına bıçaqla boğaz nahiyəsinə vuraraq öldürüb. Hadisə ailənin 11 yaşlı oğlunun gözü qarşısında baş verib. Fazil Hüseynov hadisədən sonra Ərməkiqışlaq kəndinə gedərək uşağı atasının evinə qoyub və könüllü şəkildə polisə təslim olub. Faktla bağlı Quba Rayon Prokurorluğunda cinayət işi açılıb, araşdırma aparılır.