Bakıda hərbi təyyarə və helikopterlərin növbəti uçuşları olub

Azərbaycan ordusu hərbi təyyarə və helikopterlərin iştirakı ilə parada hazırlıqlarını davam etdirir. “Report”un məlumatına görə, iyunun 20-də hərbi təyyarə və helikopterlərin Bakı şəhəri üzərində növbəti uçuşları həyata keçirilib. Uçuşlar əsasən paradın keçiriləcəyi "Azadlıq" meydanının üzərində olub. Qeyd edək ki, iyunun 26-da Azərbaycan Silahlı Qüvvələrinin yaradılmasının 100 illiyi münasibətilə Bakıda parad keçiriləcək.