Bakıda keçirilmiş hərracda “QAZ-31”in qiyməti iki dəfə qalxdı

Əmlak Məsələləri Dövlət Komitəsi tərəfindən növbəti hərrac keçirilib. Komitədən Avtosfer.az-a verilən məlumata görə, Vətəndaşların hərraclarda avtomobillərə sahib olmaq həvəsi özəlləşdirilən 7 nəqliyyat vasitəsindən 3-nün hərracını rəqabətli edib. Buraxılış ili 2009 olan "Toyota" Camry markalı avtomobillərdən birinin ilkin hərrac qiyməti 15 min manat, digərinin isə 13 min manat təyin olunub. Sifarişçilər arasında mübarizə son satış qiymətini müvafiq olaraq 17 min 500 və 17 min 300 manata qədər yüksəldib. 2005-ci il istehsalı olan QAZ-31105 markalı avtomobilin hərracında yaranan rəqabət isə yekun hərrac qiymətini 2 dəfə artırıb. İlkin hərrac qiyməti 1500 manat olan bu dövlət əmlakına prosesin qalibi 3 min manat təklif edib.

Namiq