Bakıda "ölüm" çuxuru - VİDEO

Bakının Sabuncu rayonu, Bakıxanov qəsəbəsində yolda "əjdaha" çuxur yaranıb.

Avtosfer.az xəbər verir ki, bu barədə sakinlər Baku.ws-in "qaynar xətti"nə məlumat veriblər.

Bildirilir ki, Ruhulla Axundov küçəsində yollar bərbad gündədir. Ərazidə gecələr işıqlandırma sistemi işləmir. Ərazi qaranlığa qərq olub. Bu azmış kimi, "Sürücülük məktəbi" kimi tanınan yolun düz ortasında böyük çuxur yaranıb.

Yoldan keçən maşınlar dəfələrlə ora düşüb. Bir neçə dəfə də, ərazidə qəza baş verib.

Sakinlər bildirirlər ki, bu barədə lazımı orqanlara deyilsə də, tədbir görən olmayıb.