Bakıda piyadanı vuraraq öldürən maşın İcra Hakimiyyətinə məxsus olub

Bakıda zibildaşıyan maşının vurduğu piyadanın şəxsiyyəti məlum olub. Avtosfer.az-ın “Report”a istinadən xəbərinə görə, paytaxtın Nəsimi rayonu ərazisində həmin rayonun İcra Hakimiyyətinə məxsus, Qəhrəman Ağababayevin idarə etdiyi “İveco” markalı, 99 JF567 dövlət nömrə nişanlı yük maşını yolu keçmək istəyən, 1963-cü il təvəllüdlü Cümşüd Cəmil oğlu Kərimlini vurub. Nəticədə piyada aldığı xəsarətdən hadisə yerində keçinib. Faktla bağlı cinayət işi başlanıb, istintaq gedir.