Bakıda QƏRİBƏ HADİSƏ - Polis üstündə qan ləkələri olan avtomobil aşkarladı

Bakıda polis əməkdaşları üzərində qan ləkələri olan avtomobil aşkarlayıb. Avtosfer.az publika.az-a istinadən xəbər verir ki, Nizami rayon Polis İdarəsinin əməkdaşları Şərq küçəsi 3 ünvanının qarşısında üzərində iri qan izləri olan "Daewoo" markalı minik avtomobili aşkarlayıb. Məlum olub ki, 90 PL 329 dövlət qeydiyyat nişanlı avtomobil "AZevrocar" şirkətinə məxsusdur. Qan izlərinin maşının üstünə necə düşməsi, hansı hadisənin baş verməsi hələlik məlum deyil. Faktla bağlı təhqiqat bölməsində araşdırmalar aparılır.