Bakıda ŞOK OLAY: Eyvandan keçib evə girdi, mətbəxdən meyiti TAPILDI

Bakıda mənzildən 40 yaşlı kişinin meyiti tapılıb. Avtosfer.az publika.az-a istinadən xəbər verir ki, dünən axşam saatlarında Qaradağ rayonu Müşfiq qəsəbəsində yerləşən binadan orada yaşayan 1978-ci il təvəllüdlü Hüseynov Rüstəm Fəxrəddin oğlunun meyiti tapılıb. Məlumata görə, axşam saat 18 saatlarında evə gələn ailə üzvləri Rüstəmin qapını açmadığını və telefon zənglərini cavablandırmadığını görərək həyacan keçirib. Onun qohumlarından biri qonşu mənzilin eyvanından R.Hüseynovun olduğu mənzilə keçib və 40 yaşlı kişinin mətbəxdə vəfat etdiyini müəyyənləşdirib. Hadisə yerinə gələn təcili tibbi yardım briqadası R.Hüseynovun artıq vəfat etdiyini bildirib. İlkin ehtimala görə, R.Hüseynov dəm qazından boğulub. Ölüm faktı ilə bağlı Qaradağ rayon Prokurorluğunda araşdırma aparılır.