Bakıda Texniki-Humanitar Liseyin həyətində təhlükəli vəziyyət yaranıb - VİDEO

Bakıda məktəbin həyətində təhlükəli vəziyyət yaranıb. Məktəbin həyətindəki ağac qırılaraq digər ağaca söykənib. Bu vəziyyət həm şagirdləri, həm də valideynləri narahat edir. Avtosfer.az-ın məlumatına görə, təhlükəli vəziyyət paytaxtın Nəsimi rayonu, 20 Yanvar küçəsində, Texniki-Humanitar Liseyin həyətində yaşanır. Məktəbin şagirdləri deyir ki, ağac bir neçə gün əvvəl güclü külək səbəbindən qırılaraq yanındakı ağaca söykənib. Valideynlər də uşaqları məktəbə gətirərkən ərazidən ehtiyatla keçdiklərini deyirlər. Onlar məsələ ilə bağlı məktəb rəhbərliyinə məlumat da veriblər. Texniki-Humanitar Liseyin direktor müavini Elçin Həsənov deyir ki, bu hadisə ilə əlaqədar məktəb rəhbərliyi də narahatdır. Bununla bağlı müvafiq qurumlara məlumat verilib. Bakı Şəhər Təhsil İdarəsindən bildirildi ki, Bakı Şəhər Yaşıllaşdırma İdarəsi tərəfindən məktəbə baxış keçirlib. Həmin ağacın kəsilməsi üçün məktəbdə 2-ci növbədə dərslərin bitməsini gözləyirlər. Dərs bitən kimi ağacın kəsilməsi prosesi həyata keçiriləcək.