Bakıda Türkiyə vətəndaşını belə aldatdılar

Bakıda dələduzluqla üzləşən əcnəbi ölkə vətəndaşı polisə müraciət edib. Avtosfer.az publika.az-a istinadən xəbər verir ki, Yasamal rayonu İ.Qutqaşınlı küçəsində yaşayan Türkiyə vətəndaşı Raqib Sarı tanışının ona məxsus əşyaları dələduzluq yolu ilə ələ keçirdiyini deyib. R.Sarının sözlərinə görə, sentyabrın 28-də yaşadığı binanın qarşısında tanışı Səxavət Paşazadəyə “Sony” markalı fotoaparatını icarəyə verib. Həmin şəxs 2 gün ərzində cihazı qaytaracağına vəd versə də, buna əməl etməyib. Türkiyə vətəndaşı fotoaparatının özünə qaytarılmasını və ona qarşı dələduzluq etmiş şəxsin cəzalandırılmasını xahiş edib. Araşdırma aparılır.