Bakıdakı yanğınla bağlı rəsmi açıqlama yayıb - FOTO

Ekologiya və Təbii Sərvətlər Nazirliyi (ETSN) Bakı şəhərində tikinti materiallarının satışı mağazasında baş verən yanğınla bağlı məlumat yayıb. Nazirliyin Mətbuat xidmətindən Avtosfer.az-a bildirilib ki, bu gün Ziya Bünyadov prospektindəki tikinti materiallarının satışı bazarında naməlum səbəbdən baş vermiş yanğın nəticəsində havaya qatı tüstü və qoxu yayılıb: "Nazirliyin əməkdaşları dərhal hadisə yerinə gedib, monitorinq və araşdırma işlərinə başlayıb. Mütəxəssislər atmosferə yayılan tüstü axını və qoxu ilə əlaqədar havanın çirklənmə səviyyəsini müəyyən etmək üçün sanitar mühafizə zonasından xüsusi cihazlarla nümunələr götürüb. Götürülmüş nümunələr üzərində laborator analiz aparıldıqdan sonra nəticələr barədə məlumat veriləcək. Nazirliyin əməkdaşları hazırda hadisə yerində araşdırma və monitorinqləri davam etdirir".