Bakının məşhur kafesində qızın pulqabını oğurladılar - VİDEO

Bakıda “Simit Sarayı” kafesində qızın pulqabısını oğurlayıblar. Avtosfer.az Oxu.az-a istinadən xəbər verir ki, hadisə barədə videonu Sara Abbasova sosial şəbəkədə paylaşıb. Zərərçəkmişin sözlərinə görə, hadisə 24 iyulda baş verib:  “Pulqabının içində iki bank kartı, 110 manat və 280 türk lirəsi var idi. Məbləğ elə də böyük deyil, ancaq o öz cəzasını almalıdır”. 

S.Abbasova həmçinin bildirib ki, artıq polisə müraciət edib:  “Dörd gündür ki, polis onu axtarır. Bəlkə kimsə onu görüb. Kömək edin” - deyə o, sosial şəbəkə istifadəçilərindən xahiş edib.