“Bakmil” stansiyasında işlər dekabrın 1-nə qədər başa çatdırılacaq

Bu ilin dekabrın 1-nə qədər Bakı Metropoliteni QSC-nin “Bakmil” stansiyasında işlər başa çatdırılacaq. Avtosfer.az-ın  məlumatına görə, bunu qurumun istismar üzrə baş mühəndisi Əlixan Osmanov metro işçilərinin peşə bayramı münasibəti ilə keçirilən tədbirdə jurnalistlərə açıqlamasında bildirib. Qeyd edək ki, bu ilin avqust ayının 8-dən sərnişinlərin "Bakmil" stansiyasına giriş-çıxışı müvəqqəti olaraq qismən məhdudlaşdırılıb. Sərnişinlər 8:20-dən 17:00-a qədər stansiyanın xidmətindən istifadə edə bilmirlər.