"Bakmil"ə giriş-çıxışa məhdudiyyətin vaxtı uzadıldı

Dekabrın 10-dan "Bakı Metropoliteni" QSC-nin "Bakmil" stansiyasına giriş-çıxış məhdudiyyəti saat 08:20-dən 18:00-a qədər davam edəcək. Bu barədə Avtosfer.az-a qurumdan bildirilib. Xatırladaq ki, hazırda məhdudiyyət saat 17:00-a qədər davam edir.  Bu dəyişikliklə əlaqədar olaraq, Bakı Nəqliyyat Agentliyi ilə əldə olunmuş razılığa əsasən, saat 17:00-18:00 aralığında həmin stansiyadan istifadə edən sərnişin axını xüsusi nəzərə alınmaqla "Bakmil" stansiyası ilə "Koroğlu" stansiyaları arasında avtobus marşrut xətti daha intensiv fəaliyyət göstərəcək.