Balakəndə güclü yağış bir sıra fəsadlar törədib - FOTO

Baləkən rayonunda güclü yağış bir sıra fəsadlar törədib. Avtosfer.az "Report"a istinadən xəbər verir ki, hadisə sentyabrın 9-dan 10-a keçən gecə rayon mərkəzində, Tülü və Talalar kəndi ərazisndə qeydə alınıb. Məlumata görə, rayon ərazisində güclü yağış və dolu nəticəsində 20-ə yaxın fərdi yaşayış evinin zirzəmisinə və həyatyanı sahəsinə yağış suları dolub. Bundan başqa əraziyə yağan dolou nəticəsində kənd təsərrüfatına, əkin və meyvə bağlarına ziyan dəyib.  Rayonda elektrik enerjisinin verilməsində fasilərlər yaranıb. Fərdi yaşayış evlərinin zirzəmisinə dolan yağış sularının çıxarılmasına Fövqəladə Hallar Nazirliyinin Balakən Rayon Dövlət Yanğından Mühafizə Hissəsinin texnikaları və canlı qüvvəsi cəlb edilib.