Balakəndə yol qəzası baş verib, sürücü ölüb

Balakən rayonunda yol qəzası baş verib. Avtosfer.az Daxili İşlər Nazirliyinə istinadən xəbər verir ki, hadisə rayonun Hənifə kəndi ərazisində qeydə alınıb.

Belə ki, dekabrın 24-də saat 16 radələrində həmin kəndin sakini Aydın Keçiliyevin idarə etdiyi “UAZ-3962” markalı avtomobillə Kortala kənd sakini Məhəmməd Osmanovun idarə etdiyi “M” markalı motosiklet toqquşub. Nəticədə M.Osmanov hadisə yerində ölüb.

Balakən rayon Polis şöbəsi tərəfindən araşdırma aparılır.