Balıq ovu üçün dövlət rüsumları açıqlandı - VİDEO

Xəzər dənizinin Azərbaycan Respublikasına mənsub olan bölməsində və daxili su hövzələrində balıq ovlamaq üçün verilən kvota və balıqovlama biletləri ödənişlidir və qiymətlər Azərbaycan Respublikası Nazirlər Kabineti tərəfindən tənzimlənir. Avtosfer.az-ın məlumatına görə, Ekologiya və Təbii Sərvətlər Nazirliyinin sektor müdiri Fəridə Ələkbərova qeyd edib ki, balıq ovlamaq üçün xüsusi biletlər olmadıqda həmin şəxslərə qarşı cərimələr tətbiq ediləcək. Kvota və balıqovlama bileti Nazirliyin Su Hövzələrində Bioloji Resursların Artırılması və Mühafizəsi Departamenti tərəfindən elektron qaydada verilir. Biletdə müxtəlif məsələlər öz əksini tapır. Qeyd edək ki, bu il üçün Xəzər dənizində və daxili su hövzələrində ümumilikdə 3660 ton həcmində müxtəlif növ balıqların ovlanmasına icazə verilib.